Dag 1: Saterdag 11 Oktober  JOHANNESBURG – ISTANBUL

​

Ontmoet mekaar om 14:00 by die Turkish Airlines inboek-toonbank in die O.R. Tambo Internasionale lughawe. Bespreek u bagasie deur na Thessalonika. Vertrek om 18:05 na Istanbul en oornag aan BOORD (*)

 

Dag 2: Sondag 12 Okt ISTANBUL –THESSALONÍKA 

​

Arriveer om 05:00 in Istanbul en sluit by die 07:20 vlug na Thessalonika aan. Stryk om 08:40 neer in Thessaloníka (hoofstad van die provinsie Macedónië) Ons is gereed om saam met ons toerleier ‘n besigtigingstoer van Thessaloníka te onderneem en sien hoogtepunte soos die stad se skansmure, Galerius se boog, Rotunda monument, die Basilika van Demetrius, Archeiropoietos kerk en die Vlatades klooster. Inboektyd by ons hotel waarna die middag vry is om die omgewing op eie stoom te verken. Aandete en oornag in THESSALONÍKA (*)(A)

 

Dag 3: Maandag 13 Okt FILÍPPI – THESSALONÍKA

​

Vertrek vanoggend Ooswaarts na Neápolis (antieke Griekse stad, digby moderne Kavala geleë waar Paulus vir die eerste keer in Europa aan wal gestap het). Reis na Filíppi (eerste stad in Macedónië waar Paulus ‘n paar dae deurbring) waar ons besoek bring aan die archeologiese museum, Lidia se doopfont en die geheime grafkelder waar Paulus gevange gehou is. Sien die Akropolis met sy teater, die Basilika en tronk van Paulus en Silas. Keer terug na ons hotel vir aandete en oornag in THESSALONÍKA (O)(A)

 

Dag 4: Dinsdag 14 Okt THESSALONIKA – VERIA (BEROEA) – KALAMBAKA

​

Vertrek vanoggend na Veria (eertydse Beroea, die stad in Sentraal- Macedónië aan die voetheuwels van die Vermion gebergte, verwerf die bynaam “klein Jerusalem” weens sy indrukwekkende hoeveelheid Bisantynse kerke). Bring besoek aan die museum van die koninklike grafkelders van Vergina (indrukwekkende argeologiese antieke hoofstad van die masedoniese koninkryk) en Dion (agreologiese park en -museum) aan die voetheuwels van Olympus (die hoogste berg in Griekeland). Sien Paulus se Podium Monument in die middedorp. Reis verder na die dorp Kalambaka (wêreldwyd bekend weens die legendariese kloosters wat bo-op Meteora-rotse in hierdie omgewing gebou is). Besoek een van hierdie Bisantynse kloosters waar monnike teen die aanslag van die Roomse ryk geskuil het. Sien die kloosters van Meteora (UNESCO wêreld-erfenis gebied) waarvan sommige hoog op rotsformasies lyk asof hulle in die lug hang. Aandete en oornag in KALAMBAKA (O)(A)

​

Dag 5: Woensdag 15 Okt KALAMBAKA – CORFU 

​

Vertrek na ontbyt en reis die Zagori-streek (Griekse hooglande met sy dorpies oortrek met tradisionele huisies, imposante heuwels en pragtige woude). Stop by Ioannina (pragtige meer-oewer dorp en grootste stad in die Epirus-streek) om die Pamvotida-meer (grootste en asemrowende meer in die Ioannina-komstreek) te bewonder. Reis verder na Igoumenitsa (Kusdorp en tweede besigste Griekse hawestad) waar ons aan boord van ons ferrie stap vir ‘n twee ure bootvaart na Corfu (Griekse eiland op die noordwestelike kus in die Ioniese see geleë. Onderneem ‘n oriëntasietoer van die geskiedkundige deel van die Corfu. Sien die kerk van St Spiridon, Liston promenade en die Duomo. Geniet vrye tyd in die Ou-stad (UNESCO-beskermde gebied van Corfu), oortrek met kafees, restaurante, museums en kerke. Oorplasing na ons hotel

vir aandete en oornag in CORFU (O)(A)

 

Dag 6: Donderdag 16 Okt PAXOS – CORFU

​

Ervaar die eilande van Paxos en Antipaxos op 'n voldag besigtigingsvaart. Besoek die Blou Grotte (aan die weskus van die eiland), met geleentheid om in die kristalhelder water van Antipaxos te swem. Besoek die tradisionele dorpie Gaios (hoofstad van Paxos; ook vernoem na 'n leerling van Paulus wat Christendom na die eiland gebring het). Vrye tyd in Gaios (tradisionele kosmopolitaanse dorpie waar u gerus ‘n opsionele middagete by 'n tradisionele taverna kan geniet. Na afloop van ‘n opwindende dag seil ons terug vir aandete en oornag in CORFU (O)(A)

 

Dag 7: Vrydag 17 Okt CORFU – ROME

​

Na ontbyt word ons na die lughawe oorgeplaas vir die vlug wat om 14:30 vertrek om teen 14:55 (plaaslike tyd) op Ciampino (een van die oudste lughawens) naby Rome (hoofstad van Italië) te arriveer. Ons word ontmoet en na die hotel oorgeplaas. Aandete en oornag in ROME (O)(A)

 

Dag 8: Saterdag 18 Okt ROME

​

Vandag is ‘n “Paulus” dag wanneer ons saam met ons toerleier besoekpunte ontdek op die Via Appia (eerste en bekendste Romeinse strategiese roete wat in Rome begin en meer as 800km verder in Brindisi eindig). Bring buitekant die stadsmure besoek aan die Basiliek van Paulus (kerk waar Paulus volgens oorlewering begrawe is), die Katakombes van Domitilla (Christelike begraafplaas), Tre Fontane Abbey (Abdy van die drie fonteine met direkte verwysing na Paulus se onthoofding). Sien onder andere die Porta San Sebastiano (toegangshek in die stadsmuur ingebou) en Domine Quo Vadis (kerk waar Petrus heen gevlug het). Besoek een van die indrukwekkende Katakombes (waarvan sommiges tot soveel as 170,000 grafte huisves). Aandete en oornag in ROME (O)(A)

 

Dag 9: Sondag 19 Okt ASSISI – ROME

 

Vertrek vanoggend na Assisi (heuweltop-dorp in Italië se Umbria distrik geleë) en besoek die Basiliek van San Francisco (kenmerkende landmerk en belangrike Christelike pelgrimskerk in Italië). Onderneem dan ‘n begeleide stadstoer van Assisi en sien die Romeinse amfiteater (geleë by een van die agt stadshekke), St Ruffino (geskiedkundige katedraal en kerk met ‘n doopfont), die kloktoring en St Chiara (kerk wat die oorskot van ChiaraSt Peter’s Trevi Fontein Pantheon Offreduccio, ‘n volgeling van Francis van Assisi, huisves). Geniet vrye tyd in die middedorp voordat ons terugkeer vir aandete en oornag in ROME (O)(A)

​

Dag 10: Maandag 20 Okt ROME – ISTANBUL

 

Onderneem ‘n stadstoer insluitend die Vatikaanstad (kleinste land ter wêreld; huisves die Vatikaan Museums en Sistynse kapel), St Peter’s Basiliek (grootste katedraal en kerk ter wêreld), Pantheon (bes behoue monument in antieke Rome en eertydse Romeinse tempel; vandag ‘n Christelike kerk), Stadium of Domitian (Antieke atletiekstadion waar sportbyeenkomste gehou is), Basilica of Santa Maria and Martyrs (titulêre kerk in die sirkulêre plein bekend as die Piazza della Repubblica). Ons volgende stop is Palatine Hill (belangrikste van sewe heuwels van antieke Rome), die Kolosseum (bekende Romeinse stadion en grootste amfiteater ter wêreld) en Romeinse Forum (kommersiële middelpunt van eertydse Rome). Oorplasing na die Fiumicino lughawe vir die 20:05 vlug om teen 23:45 in Istanbul te arriveer. Sluit by die vlug wat net na middernag om 01:50 na Johannesburg vertrek. Oornag aan BOORD (O)(*)

​

Dag 11: Dinsdag 21 Okt JOHANNESBURG

 

Stryk net na ontbyt om 10:30 op die Johannesburgse O.R. Tambo Internasionale lughawe neer, ryk aan ervaring en verryk in die gees. Eendag maak ons weer so! (*)