Kom ons sluit die jaar kort en kragtig af. Kom ons doen dit met ’n vraag: Wat bedoel jy as jy in hierdie dae vir mense sê: “Voorspoedige Nuwejaar?” Wat wens ons mekaar toe as ons hierdie wense met mekaar deel? Ekself kies om hierdie wens in ’n gebed in my eie hart te omskep. Ekself bid vir elkeen, met wie ek hierdie woorde deel, dat hulle in 2025 die vreugde van die Here sal op nuwe maniere sal ontdek. Ek bid dat hulle lewens van begin tot einde met Sy hemelse hoop oorlaai sal wees. Ek bid dat hulle in liefde vir God en in deernis vir ander mense rondom hulle sal groei. ’n Voorspoedige Nuwejaar is een waar stewige brûe van liefde tussen mense opgerig word. Dit is een waar deernis groter groei, te midde van onreg en haat. Mag jy só ’n Voorspoedige Nuwejaar beleef en dit uitleef in 2025.
Stephan Joubert
Kommentare